Arquivo da categoría: Transparencia

SOMOS MAIORIA CELEBRA ASEMBLEA ABERTA PARA APROBAR AS CONTAS DA CAMPAÑA ELECTORAL

A iniciativa veciñal SOMOS MAIORIA celebrou onte unha Asemblea Aberta no Auditorio onde aprobou as contas da campaña electoral que ascenderon a 1.648,76 euros de gasto total.

Somos Maioría xuntouse onte en Asemblea Aberta para aprobar as contas da campaña electoral, falar da sesión de constitución da nova corporación municipal, organizar o traballo a realizar nos próximos meses, e informar da xuntanza co concelleiro electo do PSOE Alberto Varela.

En canto as contas, os gastos totais da campaña correspondentes á carteis, trípticos, papeletas e megafonía ascenden a 1.648,76 euros, o que ven a demostrar que se pode chegar á xente facendo unha campaña austera e axustada ao que se quere comunicar.

En relación ao traballo a realizar nos próximos meses, decidiuse que o inmediato terá que ser constituír un concello transparente e participativo. A tal fin terase que crear no concello de Vilagarcía os Consellos Veciñais e unha elaboración dos próximos orzamentos de xeito participativo, na que a cidadanía interveña activamente, porque queremos unha forma diferente de facer política. Somos Maioría se ratifica na súa intención de ser un instrumento de mobilización cidadá e de democracia participativa.

Con respecto á reunión con Alberto Varela e ante a falta dunha proposta concreta por parte do partido político ao que lle corresponde formar goberno, a asemblea acordou quedar á expectativa e continuar a defender o noso Programa e o noso Código Ético.

Vilagarcía de Arousa, a 10 de xuño de 2015

FINANCIAMENTO CAMPAÑA ELECTORAL

As persoas de Somos Maioría Vilagarcía cremos nunha economía equilibrada, na que prime a transparencia e non haxa malgasto. Por iso, sendo consecuentes cos nosos principios, pensamos unha campaña humilde e faremos públicos, no noso blog e nas redes sociais, todos os ingresos e gastos que fagamos.

Se queres colaborar con nós, podes facer unha doazón dun euro mercando unha rifa na que sorteamos unha noite de hotel. Para iso, só tes que contactar con nós, achegarte ás nosas asembleas ou escribirnos a info@vilagarcia.somosmaioria.org

rifa

Tamén aproveitamos para lembrar que a través deste mesmo enderezo podedes facernos achegas, comentarios ou suxestións.

‪#‎QueremosAlgoDiferente‬ ‪#‎ConstruíndoVilagarcía‬