Carteis Falsos

10526022_389920537824707_7829581255827967542_n

Véñense observando desde hai uns días polas paredes de determinadas rúas de Vilagarcía estes carteliños feitos en boletos de quiniela ou similares.

Descoñecemos por completo a orixe e o obxectivo desta campaña, pero desde logo, nada ten que ver co grupo de asinantes do manifesto Somos Maioría na nosa vila.

Este grupo fixo un par de pegadas de carteis anunciando o acto de presentación pública do manifesto, o pasado 30 de outubro, e non volveu, de momento, poñer ningún outro cartel.  No caso de facelo, nunca sería en lugares onde estea prohibida a colocación de anuncios de ningunha clase.  Polo tanto, agradecémoslle(s) de antemán á(s) persoa(s) responsable(s) da colocación  destes que non o volva(n) facer en lugares prohibidos. Igualmente, agradecemos a boa vontade de colaboración na difusión do manifesto Somos Maioría, pero preferimos que tal vontade pase por asistir ás asembleas de asinantes e achegar nelas as súas ideas, que han ser benvidas.

 

Deixa unha resposta

O teu enderezo electrónico non se publicará Os campos obrigatorios están marcados con *